Urdu Sad Poetry

 Mirza Asad Ullah Ghalib

کوئی امید بر نہیں آتی

کوئی صورت نظر نہیں آتی

Koi umeed bar nahy aati

Koi soorat nazar nahy aati

موت کا ایک دن معین ہے

نیند کیوں رات بھر نہیں آتی

Maut ka ek din muaen hy

Neend keun raat bhar nahy aati

آگے آتی تھی حال دل پہ ہنسی

اب کسی بات پر نہیں آتی

Aage aati thi hal e dil pe hansi

Ab kissi bat  baat par nahy aati 

جانتا ہوں ثواب طاعت و زہد

پر طبیعت ادھر نہیں آتی

Janta hoon sawab e taat wa zuhd

Par tabiat udhar nahy aati.

ہے کچھ ایسی ہی بات جو چپ ہوں

ورنہ کیا بات کر نہیں آتی

Hy kuch aisi hi baat jo chup hoon

Warna kia baat kar nahy aati

کیوں نہ چیخوں کہ یاد کرتے ہیں

میری آواز گر نہیں آتی

Keun na cheehon keh yad karte hein

Meri awaz gar nahy aati

داغ دل گر نظر نہیں آتا

بو بھی اے چارہ گر نہیں آتی

Dagh e dil gar nazar nahy aata

Bo bhi ay chara gar nahy aati

ہم وہاں ہیں جہاں سے ہم کو بھی

کچھ ہماری خبر نہیں آتی

Ham wahan hein jahan se hum ko bhi

Kuch  hamari khabr nahy aati

مرتے ہیں آرزو میں مرنے کی

موت آتی ہے پر نہیں آتی

Marte hein aarzo mein marne ki

Maut aati hy par nahy aati

کعبہ کس منہ سے جاوگے غالبؔ

شرم تم کو مگر نہیں آتی

Kaaba kis mou se jawo ge Ghalib

Sharm tum ko magar nahy aati